32 C
Phnom Penh

TAG

បរិស្ថាន

អាជ្ញាធរ​បដិសេធ​ទទួល​ញត្តិ​សកម្មជន​បរិស្ថាន​ករណី​បង្ហូរ​ទឹក​ស្អុយ​ចូល​ស្ទឹង​សៀមរាប

អាជ្ញាធរ​ខេត្ត​សៀមរាប បដិសេធ​មិន​ទទួល​ញត្តិ​របស់​សកម្មជន​ចលនា​មាតា​ធម្មជាតិ ដែល​ស្នើសុំ​ឲ្យ​បង្ហាញ​ព័ត៌មាន​ជុំវិញ​លទ្ធផល​នៃ​ការ​ចុះ​ស្រាវជ្រាវ​ករណី​បង្ហូរ​ទឹក​ស្អុយ​ចូល​ស្ទឹង​សៀមរាប រួម​ជាមួយ​ស្ថានីយ​ចម្រោះ​ទឹក​ស្អាត​នៅ​ក្នុង​ទីក្រុង​សៀមរាប។ សកម្មជន​បរិស្ថាន លោក ថុន រដ្ឋា នៅ​ថ្ងៃ​ទី​៣០ ខែ​មីនា ឆ្នាំ​២០២២ បាន​យក​ញត្តិ​ដែល​មាន​ស្នាម​មេដៃ​របស់​យុវជន​ចំនួន ៤៦​នាក់ ទៅ​ដាក់​នៅ​សាលាខេត្ត​សៀមរាប ដើម្បី​ស្នើសុំ​ឲ្យ​អាជ្ញាធរ​ខេត្ត​បង្ហាញ​ព័ត៌មាន​ជុំវិញ​លទ្ធផល​នៃ​ការ​ចុះ​ស្រាវជ្រាវ​អំពី​ករណី​នៃ​ការ​បង្ហូរ​ទឹក​ស្អុយ​ចូល​ស្ទឹង​សៀមរាប ប៉ុន្តែ​ញត្តិ​នេះ​ត្រូវ​បាន​បដិសេធ ហើយ​អាជ្ញាធរ​ជំរុញ​ឱ្យ​ពួកគេ​ទាក់ទង​ទៅ​ខាង​មន្ទីរ​សាធារណការ និង​ដឹកជញ្ជូន ដើម្បី​ឈ្វេងយល់​ពី​បញ្ហា​នេះ​បន្ថែម​ទៀត។ លោក ថុន រដ្ឋា លើកឡើង​ថា ការ​ដាក់​ញត្តិ​នេះ គឺ​ក្នុង​បំណង​ដើម្បី​សុំ​ឱ្យ​អាជ្ញាធរ​ខេត្ត​បង្ហាញ​ពី​លទ្ធផល​នៃ​ការ​ស្រាវជ្រាវ​របស់​ខ្លួន ចំពោះ​ការ​ទប់ស្កាត់​ការ​បង្ហូរ​ទឹក​កខ្វក់​ចូល​ក្នុង​ស្ទឹង​សៀមរាប...

បក្ស​ក្រៅ​រដ្ឋាភិបាល​ចាប់ផ្តើម​ស្ទង់​មតិ​អំពី​ការ​អភិវឌ្ឍ​ដោយ​ការ​លុប​បឹង​និង​ការ​រក្សា​បឹង​សម្រាប់​ទេសចរណ៍​និង​រំដោះ​ទឹក

មន្ត្រី​ជាន់ខ្ពស់​គណបក្ស​ក្រៅ​រដ្ឋាភិបាល អះអាង​ថា បឹង​ធម្មជាតិ​ក្នុង​ទីក្រុង​ភ្នំពេញ ត្រូវ​បាន​រដ្ឋាភិបាល​អនុញ្ញាត​ឱ្យ​ក្រុមហ៊ុន​ឯកជន​ចាក់​ដី​លុប​អស់​ខ្លះ​ហើយ​ដើម្បី​អភិវឌ្ឍ​ពង្រីក​ទីក្រុង ប៉ុន្តែ​នៅ​ពេលនេះ រដ្ឋាភិបាល​មិន​គួរ​លុប​បឹង​ធម្មជាតិ​ដែល​នៅ​សេសសល់​បន្ត​ទៀត​នោះ​ទេ ខណៈ​លោក ហ៊ុន សែន តែង​ប្រតិកម្ម​ថា កាល​ពី​មុន​គេ​លុប​បឹង​ធម្មជាតិ​ទាំងនោះ​បាន ហេតុ​អ្វី​ពេលនេះ​លោក​លុប​បឹង​ទាំងនោះ​មិន​បាន​ទៅវិញ? ប្រធាន​គណៈកម្មាធិការ​នាយក​គណបក្ស​ប្រជាធិបតេយ្យ​មូលដ្ឋាន (GDP) បណ្ឌិត យ៉ង សាំងកុមារ បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​១១ វិច្ឆិកា នេះ​ថា ការ​រក្សា​ទុក​បឹង​ធម្មជាតិ​ឱ្យ​បាន​ច្រើន...

ក្រសួង​បរិស្ថាន៖ កម្ពុជា​បាន​ប្ដេជ្ញា​ចិត្ត​ខ្ពស់​ដោះស្រាយ​ការ​ប្រែប្រួល​អាកាសធាតុ​ដើម្បី​ការ​អភិវឌ្ឍ

រដ្ឋមន្ត្រី​ក្រសួង​បរិស្ថាន អះអាង​ថា កម្ពុជា​បាន​ប្ដេជ្ញា​ចិត្ត​ខ្ពស់​ក្នុង​ការ​ដោះស្រាយ​ការ​ប្រែប្រួល​អាកាសធាតុ ដើម្បី​ការ​អភិវឌ្ឍ​ដោយ​ការ​លើក​កម្ពស់​ស្ថានភាព​របស់​បុគ្គល និង​ក្រុម​នានា​ឱ្យ​មាន​ការ​ចូលរួម និង​ទទួល​ផល​ពី​សកម្មភាព​នានា​របស់​សង្គម​ដោយ​មិន​រើសអើង។ ប៉ុន្តែ​មហាជន​នៅតែ​មាន​ចម្ងល់​ថា ហេតុ​អ្វី​កម្ពុជា​នៅតែ​មិនព្រម​ចូលរួម​ចុះហត្ថលេខា​ស្ដីពី​ការ​រួម​គ្នា​បញ្ឈប់​ការ​បាត់បង់​ព្រៃឈើ​លើ​សេចក្តី​ប្រកាស​ទីក្រុង Glasgow នៅ​ពេលនេះ? រដ្ឋមន្ត្រី​ក្រសួង​បរិស្ថាន លោក សាយ សំអាល់ អះអាង​នៅ​ថ្ងៃ​ទី​១១ វិច្ឆិកា នេះ​ថា ក្នុង​នាម​កម្ពុជា​ជា​ប្រទេស​ដែល​បញ្ចេញ​ឧស្ម័ន​ផ្ទះ​កញ្ចក់​តិចតួច តែ​កម្ពុជា​បាន​បង្ហាញ​ពី​ការ​ប្ដេជ្ញា​ចិត្ត​ខ្ពស់​ក្នុង​ការ​ដោះស្រាយ​ការ​បម្រែបម្រួល​អាកាសធាតុ តាមរយៈ​ដាក់​ឱ្យ​ដំណើរការ​ថាមពល​ពន្លឺ​ព្រះអាទិត្យ​ដែល​មាន​ទំហំ​ជាង ៤០០​មេហ្គាវ៉ាត់​ដែល​តំណាង​ឱ្យ ១៥% នៃ​ប្រភព​ថាមពល​របស់​ខ្លួន។ លោក​អះអាង​ថា ក្រៅពី​ចាប់ផ្តើម​ដំណើរការ​ថាមពល​ព្រះអាទិត្យ កម្ពុជា​នឹង​មិន​បង្កើត​រោងចក្រ​ថាមពល​ធ្យូងថ្ម​ថ្មី​បន្ថែម​ទៀត​នោះ​ទេ។...

លោក ហ៊ុន សែន៖ បញ្ហា​ថាមពល អាកាសធាតុ​និង​បរិស្ថាន​ជា​គោល​នយោបាយ​សំខាន់​របស់​កម្ពុជា

លោក ហ៊ុន សែន អះអាង​ថា រដ្ឋាភិបាល​កម្ពុជា​មាន​ការ​ប្ដេជ្ញា​ចិត្ត​ខ្ពស់​ក្នុង​ការ​កំណត់​យក​បញ្ហា​ថាមពល អាកាសធាតុ និង​បរិស្ថាន​ជា​គោលនយោបាយ​សំខាន់​របស់​ខ្លួន ដើម្បី​ធានា​បាន​នូវ​ការ​កាត់បន្ថយ​ឧស្ម័ន​ផ្ទះ​កញ្ចក់​លើ​ផែនដី។ ប្រមុខ​រដ្ឋាភិបាល​កម្ពុជា បាន​ថ្លែង​សុន្ទរកថា​ក្នុង​វេទិកា​អភិវឌ្ឍន៍​ថាមពល​កាបូន​ទាប ថៃយាន ឆ្នាំ​២០២១ ដែល​រៀបចំ​ឡើង​សាធារណរដ្ឋ​ប្រជាមានិត​ចិន នៅ​ថ្ងៃ​ទី​៣ ខែ​កញ្ញា ឆ្នាំ​២០២១ ថា ការ​បង្កើត​នូវ​វេទិកា​នេះ គឺជា​ឱកាស​មួយ​ដែល​នឹង​អាច​ជួយ​ជំរុញ​សន្ទុះ​នៃ​ការ​អភិវឌ្ឍ​ថាមពល​កាបូន​ទាប​សំដៅ​ដល់​ការ​ដោះស្រាយ​បញ្ហា​ថាមពល អាកាសធាតុ និង​បរិស្ថាន ដើម្បី​ឈាន​ឆ្ពោះ​ទៅ​រក​ការ​អភិវឌ្ឍ​ប្រកប​ដោយ​ចីរភាព​ក្នុង​ការ​កាត់បន្ថយ​ការ​បំភាយ​ឧស្ម័ន​ពុល។ លោក ហ៊ុន សែន អះអាង​ថា...

ពលរដ្ឋ​ពីរ​ភូមិ​នៅ​ខណ្ឌ​ច្បារអំពៅ​ថា​អំពើ​ហិង្សា​អាច​នឹង​ផ្ទុះ​ឡើង​បើ​អាជ្ញាធរ​មិន​អាច​បញ្ឈប់​សកម្មភាព​ឡាន​ដឹក​ខ្សាច់

ពលរដ្ឋ​ចំនួន​ពីរ​ភូមិ​រស់នៅ​ក្នុង​សង្កាត់​វាលស្បូវ ខណ្ឌ​ច្បារអំពៅ រាជធានី​ភ្នំពេញ បាន​បន្ត​ប្រមូល​ផ្តុំ​គ្នា​តវ៉ា​ជាថ្មី​ម្តង​ទៀត ដើម្បី​ស្នើសុំ​ឲ្យ​លោក ឃួង ស្រេង អភិបាល​រាជធានី​ភ្នំពេញ​ជួយ​អន្តរាគមន៍​ទប់ស្កាត់​សកម្មភាព​របស់​ក្រុមហ៊ុន​បើក​ធ្វើ​អាជីវកម្ម​ខ្សាច់​មួយ​កន្លែង ដែល​យក​ផ្លូវ​សាធារណៈ​ដឹក​ខ្សាច់​តាំង​ពី​ព្រលឹម​ទល់​ព្រលប់ បង្ក​ប៉ះពាល់​ដល់​ការរស់នៅ និង​ប្រកប​របរ​ចិញ្ចឹម​ជីវិត។ ប្រជាពលរដ្ឋ​ភូមិ​ស្វាយតាអុក១ និង​ភូមិ​ព្រែកជាងព្រំ ដែល​រង​ផល​ប៉ះពាល់​នោះ បាន​ស្នើ​ដល់​អភិបាល​រាជធានី​ភ្នំពេញ អន្តរាគមន៍​ទៅលើ​ថៅកែ​ក្រុមហ៊ុន​បូម​ខ្សាច់​ឈ្មោះ គឹម ហេង ចំនួន​ពីរ​ចំណុច គឺ​ស្នើ​ឲ្យ​ផ្លាស់ប្ដូរ​ទីតាំង​ក្រុមហ៊ុន ឬ​បូម​ខ្សាច់​ចេញពី​តំបន់​នោះ និង​ត្រូវ​ណែនាំ​ដល់​ម្ចាស់​ក្រុមហ៊ុន​អាជីវកម្ម​ខ្សាច់​ទាំងនេះ​ត្រូវ​មាន​ផ្លូវ​ដឹកជញ្ជូន​ខ្សាច់ ឬ​ចូក​ក្នុង​បរិវេណ​ក្រុមហ៊ុន​ឲ្យ​ដូច​ក្រុមហ៊ុន​ផ្សេងៗ​ដែរ។ ក្រុម​ប្រជាពលរដ្ឋ​បន្ត​ថា សំណើ​នេះ ពួកគាត់​ធ្លាប់​បាន​ប្តឹង​ទៅកាន់​អាជ្ញាធរ​ចាប់ពី​ថ្នាក់​ភូមិ...

ពលរដ្ឋ​ពីរ​ភូមិ​នៅ​សង្កាត់​វាលស្បូវ​ស្នើ​អាជ្ញាធរ​បញ្ឈប់​អាជីវកម្ម​ខ្សាច់​ដែល​បង្ក​ផល​ប៉ះពាល់​ដល់​ពលរដ្ឋ​មូលដ្ឋាន

ពលរដ្ឋ​ចំនួន​ពីរ​ភូមិ​ដែល​មាន​លំនៅឋាន​អម​សងខាង​ផ្លូវ​បេតុង​មួយ​ខ្សែ​ស្ថិត​ក្នុង​ភូមិ​ស្វាយតាអុក១ និង​ភូមិ​ព្រែកជាងព្រំ នៃ​សង្កាត់​វាលស្បូវ ខណ្ឌ​ច្បារអំពៅ រាជធានី​ភ្នំពេញ បាន​នាំគ្នា​រអ៊ូរទាំ​ថា​មាន​ក្រុមហ៊ុន​លក់​ខ្សាច់​មួយ​កន្លែង​បាន​យក​ផ្លូវ​សាធារណៈ​ធ្វើ​អាជីវកម្ម​ដឹក​ខ្សាច់​តាំង​ពី​ព្រលឹម​ទល់​ព្រលប់ នាំ​ឲ្យ​ប៉ះពាល់​ដល់​បរិស្ថាន បំផ្លាញ​ផ្លូវ ប៉ះពាល់​ដល់​ការ​ប្រកប​របរ​ចិញ្ចឹម​ជីវិត និង​ការរស់នៅ​របស់​ពលរដ្ឋ​ក្នុង​មូលដ្ឋាន​នេះ​យ៉ាង​ធ្ងន់ធ្ងរ។ ក្រុម​ពលរដ្ឋ​បញ្ជាក់​ថា ករណី​នេះ​ពួកគាត់​ធ្លាប់​បាន​ប្តឹង​ទៅ​មេភូមិ និង​ចៅសង្កាត់​ម្តង​ជា​ពីរ​ដង​រួច​មក​ហើយ ដើម្បី​ស្នើ​ឲ្យ​ជួយ​រក​ដំណោះស្រាយ​អំពី​ផល​ប៉ះពាល់​ពី​ការ​ធ្វើ​អាជីវកម្ម​របស់​ក្រុមហ៊ុន​ដឹក​ខ្សាច់​មួយ​នេះ ប៉ុន្តែ​គិត​ត្រឹម​ថ្ងៃ​ទី​១៨ ខែ​សីហា ឆ្នាំ​២០២១ នេះ នៅតែ​គ្មាន​ដំណោះស្រាយ។ ចំណែក​ឯ​រថយន្ត​ដឹក​ខ្សាច់​របស់​ក្រុមហ៊ុន​នេះ នៅតែ​បន្ត​ធ្វើ​សកម្មភាព​ដែល​បង្ក​ផល​ប៉ះពាល់​ដល់​ការ​ប្រកប​របរ និង​ការរស់នៅ​របស់​ពលរដ្ឋ​ដដែល។ ទោះ​យ៉ាងណា ពលរដ្ឋ​បន្ត​ថា កង្វល់​នេះ អ្នកស្រី​ចៅសង្កាត់​វាលស្បូវ...

ឡាន​ដឹក​ដី​ល្មើស​បច្ចេកទេស​ចេញពី​បឹងតាមោក​កំពុង​បំពុល​បរិស្ថាន​និង​រំខាន​ដល់​ការ​រស់នៅ​របស់​ពលរដ្ឋ

ពលរដ្ឋ​រស់នៅ​ខណ្ឌ​ព្រែកព្នៅ រាជធានី​ភ្នំពេញ ប្រាប់​សារព័ត៌មាន The Cambodia Daily នៅ​រសៀល​ថ្ងៃ​ចន្ទ ទី​១​៦ ខែ​សីហា ថា រាល់ថ្ងៃ​នេះ​មាន​រថយន្ត​ដឹក​ដី និង​ថ្ម​រាប់​សិប​គ្រឿង បាន​ដឹក​ចេញពី​បឹងតាមោក ធ្វើ​ឲ្យ​ប៉ះពាល់​ដល់​បរិស្ថាន និង​បង្ក​ផលវិបាក​ដល់​ការរស់នៅ​របស់​ពលរដ្ឋ។ ប្រភព​ដដែល​បាន​ឲ្យ​ដឹង​ថា មិន​ត្រឹមតែ​ពលរដ្ឋ​រស់នៅ​អម​សងខាង​ផ្លូវ​នោះ​ទេ អ្នក​ធ្វើ​ដំណើរ​ឆ្លងកាត់​តំបន់​នោះ​ក៏​រង​ផល​ប៉ះពាល់​ដែរ ដោយ​មាន​ធូលី​ដី​ហុយ និង​ពំនូក​ដី និង​ថ្ម​ដែល​ជ្រុះ​ចេញ​ពី​ទ្រុង​រថយន្ត​ទាំងនោះ។ ពួកគាត់​អះអាង​ថា ចំណុច​ដែល​រថយន្ត​ទាំងនោះ​បើក​ឆ្លងកាត់ គឺ​ផ្ដើម​ចេញពី​មហាវិថី​ឈ្នះ​ឈ្នះ និង​កំណាត់​ផ្លូវ​បេតុង​មួយ​ខ្សែ​ទើប​សង់​ថ្មី​ចាប់ពី​ភូមិ​ស្វាយចេក ខណ្ឌ​ព្រែកព្នៅ...

អ្នក​ឃ្លាំមើល​សង្គម​ទាត់​ចោល​ការ​ចោទ​ប្រកាន់​របស់​អ្នក​នាំ​ពាក្យ​ក្រសួង​បរិស្ថាន​លើ​របាយការណ៍​អង្គការ​សិទ្ធិមនុស្ស​អន្តរជាតិ

ក្រុម​អ្នក​តស៊ូ​មតិ​នៅ​ក្រៅ​ស្រុក លើកឡើង​ថា ការ​អះអាង​របស់​អ្នក​នាំពាក្យ​ក្រសួង​បរិស្ថាន ចំពោះ​របាយការណ៍​អង្គការ​សិទ្ធិមនុស្ស​អន្តរជាតិ Human Rights Watch គឺជា​ការ​ដោះសា​ដើម្បី​ការពារ​ផលប្រយោជន៍​ក្រុមហ៊ុន និង​ព្យាយាម​ទម្លាក់​កំហុស​លើ​ពលរដ្ឋ​ខ្លួនឯង​តែប៉ុណ្ណោះ។ ការ​អះអាង​របស់​ក្រុម​អ្នក​តស៊ូ​មតិ​នេះ ធ្វើឡើង​ដើម្បី​រិះគន់​លើ​មន្ត្រី​ជាន់ខ្ពស់​ក្រសួង​បរិស្ថាន​នៃ​ប្រទេស​កម្ពុជា ដែល​បាន​ចោទ​ប្រកាន់​លើ​អង្គការ​សិទ្ធិមនុស្ស​អន្តរជាតិ Human Rights Watch ដែល​បាន​ចេញ​ផ្សាយ​របាយការណ៍​ពី​ការរំលោភ​សិទ្ធិមនុស្ស​នៅ​កម្ពុជា​កាលពី​ពេល​ថ្មីៗ​នេះ។ ប្រធាន​ក្រុមប្រឹក្សា​ឃ្លាំមើល​កម្ពុជា និង​ជា​ប្រធាន​ក្រុមប្រឹក្សាភិបាល​នៃ​ចលនា​និស្សិត​ដើម្បី​លទ្ធិប្រជាធិបតេយ្យ លោក ម៉ែន ណាត បាន​ប្រាប់​សារព័ត៌មាន The Cambodia daily នៅ​ថ្ងៃ​ទី​១១...

ភ្នំ​ជាង​២០​ក្នុង​ស្រុក​បាណន់​ត្រូវ​ក្រុមហ៊ុន​ចិន វៀតណាម និង​ក្រុម​អ្នក​មាន​អំណាច​ជីក​កាយ​ធ្វើ​អាជីវកម្ម

ពលរដ្ឋ​រាប់​រយ​គ្រួសារ​រស់នៅ​ស្រុក​បាណន់ ខេត្ត​បាត់ដំបង បាន​រិះគន់​អាជ្ញាធរ​ខេត្ត​នេះ​ថា​គ្មាន​សមត្ថភាព​ការពារ​ទ្រព្យសម្បត្តិ​របស់​រដ្ឋ និង​សម្ដែង​ការ​សោកស្តាយ​ចំពោះ​វិនាសកម្ម​ធនធាន​ធម្មជាតិ​ភ្នំ​ជាង ២០ ដែល​ត្រូវ​បាន​ក្រុមហ៊ុន​ចិន ក្រុមហ៊ុន​វៀតណាម និង​ក្រុម​អ្នក​មាន​អំណាច​មួយ​ចំនួន ធ្វើ​អាជីវកម្ម​ជីក​គាស់​កាយ​យក​ថ្ម​មាន​តម្លៃ​អស់​រយៈពេល​ជាច្រើន​ឆ្នាំ​មក​ហើយ។ តំណាង​ពលរដ្ឋ​រស់នៅ​ឃុំ​តាគ្រាម ស្រុក​បាណន់ ប្រាប់​សារព័ត៌មាន The Cambodia Daily ក្នុង​លក្ខខណ្ឌ​មិន​បញ្ចេញ​ឈ្មោះ​ថា ភ្នំ​ដែល​ក្រុមហ៊ុន​ចិន ក្រុមហ៊ុន​វៀតណាម និង​អ្នក​មាន​អំណាច​ជីក​គាស់​កាយ​ដើម្បី​យក​ថ្ម​មាន​តម្លៃ រួម​មាន៖ ភ្នំ​តាគ្រាមភ្នំ​ថ្មក្រហមភ្នំ​អន្សែភ្នំ​ប៉ើយស្វាយភ្នំ​ពពូលភ្នំ​តាត្រងោល និងភ្នំ​គល់ ជាដើម ភ្នំ​ទាំងនេះ​គឺជា​អត្តសញ្ញាណ​ប្រវត្តិសាស្ត្រ​ដ៏​មាន​តម្លៃ​កំពុង​ឈាន​ទៅ​រក​បាត់បង់​ទាំងស្រុង ឬ​រាប​ដល់​ដី ប្រសិនបើ​អាជ្ញាធរ​មិន​ទប់ស្កាត់​ឲ្យ​បាន​ទាន់​ពេលវេលា​នោះ​ទេ។ ពលរដ្ឋ​នៅ​ទីនោះ​និយាយ​ថា ភ្នំ​ធម្មជាតិ​ទាំងនោះ​ខ្លះ​ខូច​រូបរាង...

ក្រសួង​ក្រើន​រំឭក​សាធារណជន​ឲ្យ​ប្រុងប្រយ័ត្ន​បាតុភូត​ភ្លៀង​រន្ទះ និង​ខ្យល់​កន្ត្រាក់​ចាប់ពី​ថ្ងៃ​ទី​៧-១៣ កក្កដា

ក្រសួង​ធនធាន​ទឹក និង​ឧតុនិយម បាន​អំពាវនាវ​ដល់​សាធារណជន​ឲ្យ​ប្រុងប្រយ័ត្ន​ចំពោះ​បាតុភូត​ភ្លៀង រន្ទះ និង​ខ្យល់​កន្ត្រាក់​បោកបក់​ខ្លាំង ចាប់ពី​ថ្ងៃ​ទី​០៧ ដល់​ថ្ងៃ​ទី​១៣ ខែ​កក្កដា ឆ្នាំ​២០២១ ដែល​កើតមាន​ឡើង​នៅ​តំបន់​មួយ​ចំនួន​ក្នុង​ប្រទេស​កម្ពុជា។ ក្រសួង​ធនធាន​ទឹក ជូនដំណឹង​នៅ​ថ្ងៃ​ទី​០៦ ខែ​កក្កដា ឆ្នាំ​២០២១ ថា ប្រព័ន្ធ​សម្ពាធ​ទាប ITCZ បាន​កើតឡើង​ពី​ភាគ​ខាងជើង​ប្រទេស​ថៃ ដោយ​ឥទ្ធិពល​សម្ពាធ​ទាប​សកម្ម​មួយ​នៅ​លើ​សមុទ្រ​ចិន​ខាងត្បូង ហើយ​ឥទ្ធិពល​នៃ​ប្រព័ន្ធ​សម្ពាធ​ទាប​នេះ នឹង​រំកិល​ចុះ​ឆ្លងកាត់​លើ​តំបន់​ជួរ​ភ្នំដងរែក និង​ភាគ​ឦសាន​ប្រទេស​កម្ពុជា ចាប់ពី​ថ្ងៃ​ទី​០៧ ដល់​ថ្ងៃ​ទី​១៣ ខែ​កក្កដា។ ក្រសួង​ឧតុនិយម...

Latest news